ابراهيم ابوالخير- للابداع
اهلا ومرحبا بالمبدعون نتمنى المشاركة والتسجيل مع تحيات ابراهيم ابوالخير للابداع

ابراهيم ابوالخير- للابداع

..المبدعون.الموهوبون.المسرح التربوى.الشعر.القصة.التصوير.الرسم.دراسات متخصصة.شهادات تقدير
 
الرئيسيةالبوابةمكتبة الصورس .و .جبحـثالتسجيلالأعضاءدخول

شاطر | 
 

 مراتك ولا شغلك

اذهب الى الأسفل 
كاتب الموضوعرسالة
WEGOO



عدد الرسائل : 1
تاريخ التسجيل : 05/07/2008

مُساهمةموضوع: مراتك ولا شغلك   الأحد 6 يوليو - 3:39

اعترافات موظف ذو خبرة طويلة





مراتك ....... ولا ...... شغلك !!!!!!!!!!!! !!!!!



كل نساء العالم يتهمن أزواجهم بأنهم يحبوا الشغل أكثر منهم

وأنا أصالة عن نفسي ونيابة عن الرجال أعترف بأن هذا صحيح .......... صحيح ...... صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل :



أولا ......... الشغل بيصرف عليّ....بس أنا اللي أصرف عليها !!!

ثانيا........ في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش حيجيب نتيجة ...

ثالثا ........ممكن تزوغ من الشغل في أي وقت من غير ما حد ياخد باله أو حد من الزملاء يغطيك

إنما تزوغ من مراتك.. هيهات.. أنسى …..

رابعا ........ في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. حمار .. أي حاجة مش ممكن ترضيها !!!

خامسا....... في الشغل من حقك تاخد أجازه...عندك عارض واعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك... مش ممكن تاخد أجازه.......بالعكس دانت لازم تترزع معاها يوم إجازتك و إلا يبقى نهار اهلك مالوش ملامح.....!!!!

سادسا ........ في الشغل ممكن تترقى و تاخد منصب بيه.... وباشا كمان ويبقى لك مكتب لوحدك ..... و مراسل....... و سكرتيره خاصة…. والكل يضرب لك تعظيم سلام.... في البيت حتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك.... يا بابا.......أو..... ... يا حاج.......... ولما تعجز... تقولك..... يا بركه

سابعا .......الشغل لو زهقت منه ممكن تسيبه بدون مشاكل.... وبسهوله.... أنما مع مراتك......لو روحك طلعت.....لازم تحط في بقك كوتش وتفكر مليون مرة.....في المحاكم والمؤخر و النفقة.. والعيال

ثامنا ........ في الشغل...لو سبته ....أو بلغت سن المعاش بتاخد مكافأة كبيره.... ومعاش... وحفله تكريم .....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا......... ممكن تغير شغلك وتتنقل لغيره لو لقيت شغل أحسن منه....... في حين أنك طول الوقت بتشوف بنات أحلى ميت مره من مراتك بس ما تقدرش تغيرها........

عاشرا...... في الشغل....متأمن عليك عشان لو حصل لك حاجه...... ولو حصل لك حاجه..... مراتك هي اللي هاتقبض التأمين

في النهاية ... بتحب مين أكتر... مراتك ولا شغلك ؟؟

أكيد مراتك ... أحسن يوقع الايميل دة في ايدها ... تبقى مصيبة .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مراتك ولا شغلك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابراهيم ابوالخير- للابداع :: المنتديات :: المنتدى العام-
انتقل الى: