مشروع جواز

عدد الرسائل : 5 تاريخ التسجيل : 22/10/2007

مشروع جواز

اهلاعمى.. ممكن ادخل....... خدمة بسيطة.... ماتكسفنيش
مرحب يابنى..... دانت تشرف...... اية طلباتك........ماتخبيش
ممكن ياعنى ... قصدى ياعمى ..بس انا عايز....لأ دة مفيش
مالك يابنى.. مش على بعضك .. قولى بسرعة.. .. ماتوطيش
مكسوف منك .... جايز ترفض .....تتعب قلبى .......وماتخليش
ارفع وشك...... جمد قلبك.. .....ع الصراحة .... .....دايما عيش
صابحة بنتك ..... جاى اخطبها..... عايز ايدها ..... يارب تعيش
قدم نفسك .. فين بياناتك .... مش بالشكل.... او شعر كنيش
خريج معهد..... جيد جدا..... دور سبتمبر ........معفى الجيش
قبل الفاتحة .. حتاخد صابحة .. بس الشقة ...على الكورنيش
عندى اوضة...جنب الروضة .......ومعاها صالة ......بس مافيش
يعنى مافيش... طب اطلع برة ..... كان ولابد .... .انك ماتجيش
بس ياعمى.عايز صابحة ..لو على لقمة ..وعيش وجبنة قريش
اخرس...خالص...ابعد عنى........فضها سيرة ......ماتفرسنيش
طب انا ماشى...فى ستين داهية ...حرمت احبك ..ماتحبنيش